Transcription
1
Monseigneur, par le cappitaine Colomp je receux la votre samedy dernyer
2
qui vous a pleu manvoyer, à la quelle jey satisfaict. Je
3
arrivys à nuyt en ceste ville avecque ma compaignye, passant
4
par Pontaix où nous trouvasmes les sieurs de Mirabel, Roisses
5
et Le Mas, et navons repceu deux que toute cortoizye,
6
ledit sieur de Roisses nous venant acompaigner, discourant
7
de la lettre de monsieur de Maugiron, la quelle nous fist
8
voyr, me chargea de vous dire quil vous est très humble
9
et affectionné serviteur et de vous resouvenyr de ce quil vous
10
dict à Manas. Je vous fusse allé très humblemant beizer
11
les meins ou je vous heusse envoyé le sieur de Condilhac mon
12
cosin pour recepvoir vous commandemans se ne fust la fin de
13
la suspantion darmes et aussy pour vous dire que nous
14
vismes quilz font samblant de se remasser pour donner
15
à quelque lieu. Ilz font couryr le bruyt de donner
16
à Dye ou en ceste ville. Nous velherons à notre charge. Jey
17
aussy sceu quilz delibèrent donner en quelque lieu du
18
Vallantinoys, cece [sic] que seroyt bien aussi tost à doubter.
19
Je vous envoye le despeche que monsieur de Glandaige me
20
dona. Sy nous apprenons choze qui merite vous tenyr
21
adverty, nous le ferons ; et nestant ceste en aultre
22
fin, prierey Dieu vous donner ;
23
monseigneur, heureuze et longue vye, à moy le moyen de vous
24
fère le servisse que je vous doibz à jamais. De Crest, ce XVe
25
febvrier 1574.
26
Votre très humble et très hobeyssant
27
Serviteur à jamays
28
De pennes